వాషింగ్టన్: అధ్యక్షుడు డొనాల్డ్ ట్రంప్ రెండో పదవీకాలానికి రెఫరెండంగా భావిస్తున్న అమెరికా మధ్యంతర ఎన్నికల పోలింగ్ మంగళవారం జరుగుతోంది. ప్రతినిధుల సభలోని మొత్తం 435 స్థానాలకు, 100 మంది సభ్యుల సెనేట్లో 37 స్థానాలకు, ఓహియో సహా 36 రాష్ట్రాల గవర్నర్ పదవులకు ఓటింగ్ జరుగుతోంది. ప్రస్తుతం ఉభయ సభల్లోనూ రిపబ్లికన్లకు మెజారిటీ ఉంది. భారత కాలమానం ప్రకారం బుధవారం నుంచి ఫలితాలు వెలువడనున్నాయి.
ఎన్నికల్లో ప్రధానాంశాలు
- ఇరాన్తో సుదీర్ఘ యుద్ధం, పెరిగిన ద్రవ్యోల్బణం, వాణిజ్య యుద్ధాలు ప్రధాన చర్చనీయాంశాలు
- పన్ను తగ్గింపులు, టారిఫ్లు, సరిహద్దు భద్రతపై ట్రంప్ ప్రచారం
- జీవన వ్యయం పెరుగుదలపై డెమోక్రాట్ల ప్రచారం
- కాంగ్రెస్లో మెజారిటీ కోల్పోతే తన వీటో అధికారాన్ని, కార్యనిర్వాహక ఉత్తర్వులను వాడతానని ట్రంప్ వ్యాఖ్య
బరిలో భారత సంతతి అభ్యర్థులు
- వివేక్ రామస్వామి (రిపబ్లికన్): ఓహియో గవర్నర్ పదవికి డెమోక్రాట్ అభ్యర్థి యామీ ఆక్టన్తో హోరాహోరీ
- నిత్యా రామన్ (డెమోక్రాట్, కేరళలో జన్మించారు): లాస్ ఏంజెలెస్ మేయర్ పదవికి కరెన్ బాస్తో పోటీ
- ప్రతినిధుల సభ సభ్యులు రో ఖన్నా, అమీ బెరా, ప్రమీలా జయపాల్, సుహాస్ సుబ్రమణ్యం మళ్లీ బరిలో
- పియా దండియా, అమిష్ షా తొలిసారి పోటీ చేస్తున్నారు
ఈ ఎన్నికల ఫలితాలు ట్రంప్ ప్రభుత్వ విధానాలపై, ముఖ్యంగా భారత్ సహా పలు దేశాలతో వాణిజ్య, వలస విధానాలపై ప్రభావం చూపనున్నాయి.







