న్యూఢిల్లీ: ప్రధాని నరేంద్ర మోదీ అక్టోబర్ 24, 25 తేదీల్లో ఉత్తరప్రదేశ్, ఉత్తరాఖండ్ రాష్ట్రాల్లో పర్యటించనున్నారు. ప్రతిపాదిత షెడ్యూల్ ప్రకారం ఆయన తన లోక్సభ నియోజకవర్గం వారణాసిలో అభివృద్ధి కార్యక్రమాల్లో పాల్గొనడంతో పాటు, కేదార్నాథ్లో కారిడార్ పనులను పరిశీలించనున్నారు.
అక్టోబర్ 24: వారణాసి
వారణాసి పర్యటనలో భాగంగా సేవాపురి ప్రాంతంలో ఒక ఫ్యాక్టరీని ప్రధాని ప్రారంభించే అవకాశం ఉంది. నగరంలో పలు అభివృద్ధి కార్యక్రమాల్లో ఆయన పాల్గొంటారు.
అక్టోబర్ 25: ఎయిర్ షో, కేదార్నాథ్
వారణాసిలోని నమో ఘాట్ వద్ద గంగా నదిపై భారత వాయుసేన నిర్వహించే 'వింగ్స్ ఓవర్ గంగెస్' ఎయిర్ షోను ప్రధాని మోదీ, ఉత్తరప్రదేశ్ ముఖ్యమంత్రి యోగి ఆదిత్యనాథ్ తిలకించనున్నారు. అనంతరం ప్రధాని కేదార్నాథ్ చేరుకుని కేదార్నాథ్ కారిడార్ అభివృద్ధి ప్రాజెక్టు పురోగతిని, కొనసాగుతున్న మౌలిక వసతుల పనులను సమీక్షిస్తారు.







