భారతీయ జనతా పార్టీ వ్యవస్థాపక సభ్యుడు, మాజీ ఉప ప్రధాని లాల్ కృష్ణ అడ్వాణీ ఆదివారం (నవంబర్ 8) 99 ఏళ్లు పూర్తి చేసుకుని వందో ఏట అడుగుపెట్టారు. 1927 నవంబర్ 8న కరాచీలో జన్మించిన అడ్వాణీకి దేశవ్యాప్తంగా రాజకీయ నేతలు జన్మదిన శుభాకాంక్షలు తెలిపారు.
అమిత్ షా శుభాకాంక్షలు
దేశసేవకు ప్రతీక, బీజేపీ నిర్మాత, సిద్ధాంతబద్ధ రాజనీతిజ్ఞుడైన అడ్వాణీ 99 ఏళ్లు పూర్తి చేసుకుని వందో ఏట అడుగుపెడుతున్నారని కేంద్ర హోంమంత్రి అమిత్ షా 'ఎక్స్'లో పేర్కొన్నారు. కోట్లాది బీజేపీ కార్యకర్తల తరఫున శుభాకాంక్షలు తెలిపారు. సాధారణ కుటుంబ నేపథ్యం నుంచి బీజేపీ వ్యవస్థాపక సభ్యుడిగా, జాతీయ అధ్యక్షుడిగా, దేశ ఉప ప్రధానిగా ఎదిగిన అడ్వాణీ ప్రతి బాధ్యతలోనూ ప్రజాసేవకు, 'దేశమే ప్రథమం' అనే సూత్రానికి సజీవ ఉదాహరణగా నిలిచారని కొనియాడారు. మాతృభూమి, సిద్ధాంతం పట్ల నిబద్ధతే బీజేపీ కార్యకర్తల నిజమైన గుర్తింపు అని ఆయన జీవితం చాటిచెప్పిందన్నారు.
ప్రధాని మోదీ ప్రత్యేక వ్యాసం
అడ్వాణీ జీవితం, రాజకీయ ప్రస్థానం, దేశానికి ఆయన చేసిన సేవలను వివరిస్తూ ప్రధాని నరేంద్ర మోదీ ప్రత్యేక వ్యాసం రాశారు. 'నవంబర్ 8 ఒక చారిత్రక దినం. గౌరవనీయ అడ్వాణీ జీ వందో ఏట అడుగుపెడుతున్నారు' అంటూ 'ఎక్స్'లో శుభాకాంక్షలు తెలిపారు. ఆ వ్యాసంలో ప్రస్తావించిన అంశాలు:







