కుమ్రంభీం ఆసిఫాబాద్ జిల్లా కెరమెరి నుంచి బయలుదేరిన ఓ పులి మంచిర్యాల జిల్లా లుక్సెట్టిపేట రేంజ్ అడవుల్లోకి ప్రవేశించడాన్ని సీసీ కెమెరాల్లో అటవీ శాఖ గుర్తించింది. దీంతో వైరల్‌గా మారిన సిర్పూర్ హిల్ స్టేషన్‌కు సందర్శకుల ప్రవేశాన్ని నిలిపివేశారు. పంటల రక్షణకు కరెంటు ఫెన్సింగ్ వాడొద్దని రైతులను కోరిన అధికారులు, పులికి సురక్షిత మార్గం సుగమం చేస్తున్నారు. గత నవంబరులో పత్తి కూలీపై పులి దాడిలో 21 ఏళ్ల యువకుడు మృతి చెందిన నేపథ్యంలో స్థానికుల్లో భయాందోళన నెలకొంది. పత్తి తీత పనులను రైతులు వాయిదా వేసుకుంటున్నారు.