గ్రేటర్ హైదరాబాద్ మున్సిపల్ కార్పొరేషన్ (GHMC) పరిధిని విస్తరించే దిశగా అధికారులు కీలక అడుగు వేశారు. చుట్టుపక్కల ఉన్న 27 మున్సిపాలిటీలను GHMCలో విలీనం చేసేందుకు ముసాయిదా ప్రతిపాదనను రూపొందించారు.

నగర శివారు ప్రాంతాల్లో వేగంగా పెరుగుతున్న జనాభా, పట్టణీకరణ నేపథ్యంలో మెరుగైన మౌలిక సదుపాయాలు, పాలనా సౌలభ్యం కోసం ఈ విలీన ప్రతిపాదనను తీసుకొచ్చినట్లు అధికారులు తెలిపారు.

ఈ ముసాయిదాపై ప్రజాభిప్రాయాన్ని సేకరించిన అనంతరం తుది నిర్ణయం తీసుకోనున్నట్లు సంబంధిత వర్గాలు తెలిపాయి. విలీనం జరిగితే గ్రేటర్ హైదరాబాద్ భౌగోళిక పరిధి గణనీయంగా పెరగనుంది.