తెలంగాణ శాసనసభ వర్షాకాల సమావేశాల్లో బుధవారం (సెప్టెంబర్ 9, 2026) నాటకీయ పరిణామాలు చోటుచేసుకున్నాయి. బీఆర్ఎస్ వర్కింగ్ ప్రెసిడెంట్ కేటీఆర్తో సహా ఆ పార్టీకి చెందిన మొత్తం 22 మంది ఎమ్మెల్యేలను స్పీకర్ గడ్డం ప్రసాద్ కుమార్ మిగతా సమావేశాల కాలానికి సస్పెండ్ చేశారు.
మహిళా ఎమ్మెల్యేలపై పోలీసు వేధింపులు, బీఆర్ఎస్ అధినేత కేసీఆర్పై కాంగ్రెస్ నేతల వ్యాఖ్యలపై చర్చ చేపట్టాలంటూ బీఆర్ఎస్ సభ్యులు సభలో వెల్లోకి దూసుకెళ్లి నినాదాలు చేశారు. డిప్యూటీ సీఎం మల్లు భట్టి విక్రమార్క, శాసనసభా వ్యవహారాల మంత్రి డి.శ్రీధర్బాబు పలుమార్లు శాంతించాలని కోరినా బీఆర్ఎస్ సభ్యులు వెనక్కి తగ్గలేదు.
"మేం ఇక అవమానాలు భరించేది లేదు. ఇది ఆత్మగౌరవానికి సంబంధించిన విషయం" అని డిప్యూటీ సీఎం భట్టి విక్రమార్క వ్యాఖ్యానించారు. అనంతరం సస్పెన్షన్ తీర్మానానికి స్పీకర్ ఆమోదం తెలిపారు.






