తిరుమల: తిరుమల శ్రీవేంకటేశ్వర స్వామి దర్శనానికి భక్తుల రద్దీ కొనసాగుతోంది. మంగళవారం (అక్టోబర్ 20) మొత్తం 83,745 మంది భక్తులు శ్రీవారిని దర్శించుకున్నారని తిరుమల తిరుపతి దేవస్థానం (టీటీడీ) వెల్లడించింది. బుధవారం (అక్టోబర్ 21) ఉదయానికి వైకుంఠం క్యూ కాంప్లెక్స్లోని 9 కంపార్ట్మెంట్లలో భక్తులు దర్శనం కోసం వేచి ఉన్నారు.
అక్టోబర్ 20 గణాంకాలు
- శ్రీవారిని దర్శించుకున్న భక్తులు: 83,745
- తలనీలాలు సమర్పించిన భక్తులు: 19,391
- శ్రీవారి హుండీ కానుకలు: రూ.2.99 కోట్లు
- లడ్డూ ప్రసాదం విక్రయాలు: 3.73 లక్షలు
- అన్నప్రసాదం స్వీకరించిన భక్తులు: 1.90 లక్షలు
- అశ్విని ఆసుపత్రిలో సేవలు పొందినవారు: 5,005
సర్వదర్శనానికి 6-8 గంటలు
స్లాటెడ్ సర్వదర్శనం (ఎస్ఎస్డీ) టోకెన్లు లేకుండా వచ్చే భక్తులకు సర్వదర్శనానికి సుమారు 6 నుంచి 8 గంటల సమయం పడుతోందని టీటీడీ తెలిపింది. దసరా సెలవుల నేపథ్యంలో తిరుమలకు భక్తుల రాక కొనసాగుతుండటంతో, దర్శనానికి వచ్చే భక్తులు ముందుగానే టోకెన్లు, ఆన్లైన్ బుకింగ్ ద్వారా ప్రణాళిక చేసుకోవాలని, క్యూ లైన్లలో టీటీడీ సిబ్బంది సూచనలు పాటించాలని అధికారులు సూచిస్తున్నారు.







