తిరుపతిలోని రంగనాయకుల మండపంలో జరిగిన కార్యక్రమంలో ఎస్వీబీసీ నూతన ఛైర్మన్‌గా శ్రీధర వర్మ ప్రమాణ స్వీకారం చేశారు. అనంతరం అలిపిరి సమీపంలోని ఎస్వీబీసీ కార్యాలయంలో ఆయన అధికారికంగా బాధ్యతలు స్వీకరించారు. ఛానల్‌ను అంతర్జాతీయ స్థాయిలో మరింత విస్తరించి శ్రీవారి భక్తి ప్రచారాన్ని ప్రపంచవ్యాప్తం చేస్తానని వర్మ ఈ సందర్భంగా పేర్కొన్నారు. కార్యక్రమానికి నందమూరి మోహనకృష్ణ, నందమూరి రామకృష్ణ, నందమూరి మోహన్ రూప తదితర నందమూరి కుటుంబ సభ్యులతో పాటు కూటమి పార్టీల నేతలు, సినీ ప్రముఖులు హాజరయ్యారు. టీటీడీ అభివృద్ధికి దివంగత ఎన్టీ రామారావు భూమి దానం చేసిన నాటి నుంచి తమ కుటుంబానికి నాలుగు తరాలుగా ఆలయ సేవలతో అనుబంధం ఉందని నందమూరి మోహనకృష్ణ అన్నారు.