ఎన్టీఆర్ జిల్లా జి.కొండూరు మండలం కట్టుబాడిపాలెం సమీపంలో ఇబ్రహీంపట్నానికి చెందిన శ్రీచైతన్య పాఠశాల విద్యార్థుల బస్సు తారకరామ కాలువలో బోల్తా పడింది. ఈ ప్రమాదంలో సుమారు 20 మంది విద్యార్థులు గాయాలపాలయ్యారు. సంఘటన స్థలానికి పోలీసులు, స్థానికులు వెంటనే చేరుకుని కాలువలో చిక్కుకున్న విద్యార్థులందరినీ సురక్షితంగా బయటకు తీసుకొచ్చారు. ప్రమాదానికి గల కారణాలపై జి.కొండూరు పోలీసులు దర్యాప్తు చేపట్టారు. ఈ ఘటన విద్యార్థుల తల్లిదండ్రుల్లో తీవ్ర ఆందోళన రేకెత్తించింది.