డాక్టర్ బీఆర్ అంబేద్కర్ కోనసీమ జిల్లా అల్లవరం మండలం ఒడలరేవుకు చెందిన ఏడుగురు మత్స్యకారులు ఆగస్టు 3న చేపల వేటకు వెళ్లి గల్లంతయ్యారు. ఆగస్టు 13కు తిరిగిరావాల్సి ఉండగా, రాకపోవడంతో 17న కుటుంబీకులు ఫిర్యాదు చేశారు. కోస్ట్ గార్డ్ నేతృత్వంలో ఐదు నౌకలు, రెండు డోర్నియర్ విమానాలు, ఒక హెలికాప్టర్‌తో గాలింపు ముమ్మరంగా సాగుతోంది. నేవీతో సమన్వయం చేసుకుంటున్నామని మంత్రి కె.అచ్చెన్నాయుడు తెలిపారు. మయన్మార్, పోర్ట్ బ్లెయిర్, బంగ్లాదేశ్ సముద్ర సరిహద్దుల్లోనూ గాలింపు చేపట్టాలని సీఎం చంద్రబాబు నాయుడు కేంద్రాన్ని కోరారు. మత్స్యకారుల కుటుంబాలు తీవ్ర ఆందోళనలో ఉన్నాయి.