హైదరాబాద్: గ్రాడ్యుయేట్ ఎమ్మెల్సీ ఎన్నికల ఓటర్ నమోదు గడువును పొడిగించాలని తెలంగాణ రక్షణ సేన (టీఆర్ఎస్) అధ్యక్షురాలు కల్వకుంట్ల కవిత రాష్ట్ర ప్రధాన ఎన్నికల అధికారి (సీఈవో)ని కోరారు. సోమవారం ఆమె సీఈవోను కలిసి వినతిపత్రం అందజేశారు.

కవిత విజ్ఞప్తులు

  • గ్రాడ్యుయేట్ ఓటర్ నమోదు గడువు నవంబర్ 6తో ముగుస్తోంది. ఎన్నికల నోటిఫికేషన్ వచ్చి, నామినేషన్ల ప్రక్రియ పూర్తయ్యే వరకు నమోదుకు అవకాశం ఇవ్వాలి.
  • కొన్ని విద్యాసంస్థలు తమ సంస్థల్లోనే పెద్ద ఎత్తున ఓటర్లను నమోదు చేయిస్తుండటంతో ఎన్నికలు ఏకపక్షంగా మారుతున్నాయని ఆరోపించారు.
  • తెలంగాణ రక్షణ సేన రిజిస్ట్రేషన్ ఇంకా కేంద్ర ఎన్నికల సంఘం వద్ద పెండింగ్‌లో ఉందని, ప్రక్రియ వేగవంతానికి సహకరించాలని కోరారు.

కొత్త పార్టీలు తమ ఎజెండాను ప్రజలకు చేరవేయడానికి గ్రాడ్యుయేట్ ఎమ్మెల్సీ ఎన్నికలు మంచి అవకాశమని కవిత అన్నారు.

కులగణనపై బహిరంగ లేఖ

డిసెంబర్‌లో ఇంటింటి జనగణన ప్రారంభం కానున్న నేపథ్యంలో, జాతీయ జనగణనలో ఓబీసీ కులగణన, ఆదివాసీల మతాన్ని ప్రత్యేకంగా నమోదు చేయడంపై చర్చించేందుకు శాసనసభ, మండలి ప్రత్యేక సమావేశాలు నిర్వహించాలని కవిత ఆదివారం సీఎం రేవంత్ రెడ్డికి బహిరంగ లేఖ రాశారు.