రాజమహేంద్రవరం సమీపంలో రోడ్డు కమ్ రైల్వే వంతెనపై నుంచి ఆగస్టు 16న అర్ధరాత్రి పంచాయతీరాజ్ శాఖ ఏఈ నూకరాజు, ఆయన భార్య మీనా (55), కుమార్తె సౌజన్య గోదావరిలో దూకిన సంగతి తెలిసిందే. ఈ ఘటనలో నూకరాజు మనవడు ఈదుకుంటూ ఒడ్డుకు చేరి ప్రాణాలతో బయటపడ్డాడు. నూకరాజు మృతదేహం ఆగస్టు 17న, కుమార్తె సౌజన్య మృతదేహం ఆగస్టు 20న లభ్యం కాగా, భార్య మీనా జాడ కోసం గత ఆరు రోజులుగా సాగుతున్న గాలింపులో శనివారం ధవళేశ్వరం బ్యారేజీకి దిగువన అలమూరు మండలం వద్ద 30 కిలోమీటర్ల దూరంలో ఆమె మృతదేహం లభ్యమైంది. దీంతో గాలింపు చర్యలకు తెరపడింది. తమను వేధింపులకు గురిచేసిన శిక్షణా కేంద్రం కోచ్‌పై ఇప్పటికే కేసు నమోదు చేసిన పోలీసులు దర్యాప్తు కొనసాగిస్తున్నారు.